Tjoflot sideri ligg 200 meter over Hardangerfjorden, ved fjellet Oksen. Garden vår heiter Ytrebøen (uttalast Yttrabødnen) og er ein av tre fruktgardar på Tjoflot. Her dyrkar me eple og plommer, og så har me ein liten saueflokk av rasen gamalnorsk spælsau.

Tjoflot sideri vert drive av Brita Underdal og Bjørnar Tjoflot, med god hjelp frå familien. Bjørnar er oppvaksen på garden, medan Brita kjem frå geitagard i Sogn.

Sideriet starta opp i 2024 og har utsal av eplemost og sider på garden.