Siderane våre
Kvart år haustar og pressar me eple på garden vår. Alt me pressar vert til rein eplemost. Men noko av eplemosten får eit nytt liv i sidertankane våre. Der blir mosten gjæra i fleire månader før me kan tappa dei edle dropane som eplesider.
Sideren kan du få kjøpt i det vesle gardsutsalet vårt på Tjoflot i Hardanger. Sjå meir info nedst på sida her.
Svartakari
Årgang 2025
0,75 l
6,4 % alkohol
Eple: Discovery, gravenstein og aroma
Syre g/l: 9 Sødme g/l: 20
Allergen: Sulfitt
Halvturr og smaksrik, perlande og fyldig. Passar godt i lag med mat. Spesielt ost, taco, pinnekjøt og ribbe.
Naust
Årgang 2025
0,75 l
6,9 % alkohol
Eple: Gravenstein, aroma, summerred og discovery
Syre g/l: 11 Sødme g/l: 16
Allergen: Sulfitt
Turr og perlande, frisk og syrleg. Ein klassisk hardangersider som smakar godt både åleine og i lag med mat, til dømes fisk.
UREIST med honning
Årgang 2025
0,75 l
7,4 % alkohol
Eple: Gravenstein
Inneheld: Honning
Syre g/l: 6 Sødme g/l: <5
Metode: Spontangjæra. Andregongsfermentert med honning på flaska, som gir naturlege boblar.
Knuskturr med naturleg sprudl. Ureist-siderane våre inneheld berre råvarer frå Tjoflot. Ureist med honning er tilsett honning frå bier som har beita på epleblomane på Tjoflot.
UREIST syrefest
Årgang 2025
0,75 l
7,9 % alkohol
Eple: Gravenstein og Karin Schneider
Syre g/l: 7 Sødme g/l: <5
Metode: Spontangjæra. Andregongsfermentert med frysekonsentrert eplemost av Karin Schneider på flaska, som gir naturlege boblar.
Knuskturr med naturleg sprudl. Ureist-siderane våre inneheld berre råvarer frå Tjoflot.